Bliib wach – ein Preacherslam

 Bliib wach

  Bliib wach 

 In Gethsemane

Mit Angscht im Buuch

 

                             Läbe uf dr Zunge

 

Träne i de Auge

 

                              Lachfalte im Gsicht

Ellboge i dr Arbeit

Gfalteti Händ, 

dr Ufstand für d Wält

 

Gethsemane. 

Jetzt sitze mir ufem stoubige, no warme Bode.

Obwohl d Sunne scho lang verschwunden isch

D Strass vo Mondstrahle zieht dr Blick ufe – i Stärnehimmel

 

Geseht dr da obe

das samet-ruhige Ewig-schwarz?

Und das winzig-grosse Stärne-zwinkere?

 

Heit dr dr Gschmack no im Muul?

Dr Gschmack vom Läbe

Wo me driibiist, wie i früsch backenes Brot

Mit verloffenem Anke.

Dr Gschmack vom Läbe.

Gestilltem Hunger.

 

Oder der Süessi Wii, 

Wo Sorge vernebelt

Und d Läbesfröid, wo immerno no dür 

Adere chrüselet?

Wo wie d Liebi vo inne wärmt

Und im Abgang  Gschmack het –  

Dr Gschmack vom Läbe?

 

Bliib wach

Het Jesus gseit.

Aber wo isch är jetzt häre – ig gesh ne gar nümm.

 

Bliib wach

Het Jesus gseit

Aber mi Buuch isch so voll, vom Festässe.

 

Bliib wach

Het Jesus gseit.

 

Aber d Auge wärde so schwär

So schwär 

So schwär.

 

 

Bliib wach 

Bliib wach 

 In Gethsemane 

 

Mit Angscht im Buuch

 

                              Läbe uf dr Zunge

 

Träne i de Auge

 

                              Lachfalte im Gsicht

 

Ellboge ide Arbeit

 

                             Gefalteti Händ, 

dr Ufstand für d Wält.

 

 

Wach si

i schlaflose Nächt,

sich de innere Dämone ussetze,

wo Gwüssheite

und jede Plan fürd Zuekunft

durenandschüttled.

 

Wach si

und Zwifel ushalte,

Verdrängts ad Oberflächi cho lah,

de Scham und de Schuldgfühl id Auge luege,

mit ihne ringe.

 

Wach si

ohni es Glas Wi,

ohni Schmerzmittel.

Gspüre, wies mim Körper gaht.

 

Wach si,

offe si für Strit

und d’Versöhnig nachher.

Verzeihe, wenn das möglich isch,

d’Wuet usdrucke, wo nöd:

Is Chüssi boxe, in Wald schreie,

Wort ines Blatt Papier chritzle.

 

Wach si,

und au die Stimme ghöre,

wo susch übertönt,

abgschnitte, unverstande sind.

D’Hand neh vo öpperem, wo einsam isch,

En Umarmig zuelah.

 

Wach si,

sich nöd abriegle

us de Angst vorem Virus.

D’Menschlichkeit nöd ufgeh

hinderem Mundschutz,

hinder de Grenze.

Uf di Gschwächte luege

und nöd nur ums eigete Überlebe kämpfe.

 

Wach si

und schmöcke,

wos zum Himmel stinkt.

Ohni Rumspray, Räucherstäbli oder Eau de Toilette.

Wach si,

wos menschelet,

wo Mensche schwizet vom viele Chrampfe,

wo sie eigentlich nümm möged.

Wach si,

mitem Herz voll Muet

und Händ mit Herz.

 

Wach si,

ufgweckt werde.

Ufgweckt vo Jesus

Wo seit:

„Blib nachli bi mir

Und wach mit mir.“

 

Isches das: Uferweckig zmittst im Lebe?

Uferweckig im Sinn vo:

Sich wach rüefe lah

Und wach bliebe

Mit mine innere Dämone,

mit em Lide vo anderne

mit em Zuestand vode Natur.

 

Uferweckig als Morgekuss.

 

Oder als Wachrüttle:

Hey, da isch dis Lebe, da isch dWelt!

 

 

Wach uf 

  Wach uf 

 In Gethsemane

 

Mit Angscht im Buuch

 

                              Läbe uf dr Zunge

 

Träne i de Auge

 

                              Lachfalte im Gsicht

 

Ellboge ide Arbeit

 

                             Gefalteti Händ, 

dr Ufstand für d Wält.

 

Preacherslamtext zu Mk 14,32-42 von Lea Zeiske und Livia Strauss.

Ein Grossteil dieses Textes stammt aus der Feder der wundervollen Livia Strauss und ich hätte mir kaum eine bessere Schreibpartnerin für diese Hausaufgabe vorstellen können!

Wir haben diesen, vom PreacherSlam inspirierten Input, als Teil eines Seminars für unser Studium geschrieben, und dann auch im Rahmen eines Mittaggebetes gehalten. Deshalb ist er auch auf Schweizerdeutsch. Es sei also auch darauf hingewiesen, dass ein Slamtext eher als Hör-, und weniger als Lesetext gedacht ist. Aber vielleicht gibt es doch ein paar Leute, die ihn gerne lesen.

Schreibt uns gerne eure Meinung oder eure Lieblingsstellen in die Kommentare.

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden /  Ändern )

Google Foto

Du kommentierst mit Deinem Google-Konto. Abmelden /  Ändern )

Twitter-Bild

Du kommentierst mit Deinem Twitter-Konto. Abmelden /  Ändern )

Facebook-Foto

Du kommentierst mit Deinem Facebook-Konto. Abmelden /  Ändern )

Verbinde mit %s